දැනුම පමණක් නොව ආකල්ප හා කුසලතා සංවර්ධනය කිරිමත් අධ්යාපනය තුළින් ප්රබල ස්ථීරසාර පෞරුෂයක් ගොඩනැගීමත් නුතන අභියෝග වලින් ජය ගැනීමට ඔවුන්ගේ පෞරුෂය වර්ධනය කිරිමෙන් අප සිසු දරු දැරියන් සදාචාරාත්මක හා විනය ගරුක බවෙන් යුතූ පුරවැසියන් හැටියට සමාජයට දායාද කිරීමයි
පෝෂණ දිනය
පාසල් සිසු දරු දැරියන්ගේ පෝෂණය පිළිබඳව දැනුවත් කිරීමේ වැඩසටහනක් 2010.06.21 දින විද්යාලයේදී පැවැත්විණි. මේ සඳහා මාදම්පාගම මහජන සෞඛ්ය පරීක්ෂක වසන්ත අලහකෝන් මහතා විසින් දේශනය පවත්වන ලදී. මෙදින උදේ වරුවේදී සිසුන් දැනුවත් කල අතර සවස්වරුවේදී දෙමාපියන් දැනුවත් කරන ලදී.
ලෝක පරිසර දිනය සැමරීම
ලෝක පරිසර දිනය නිමිතිකරගෙන ප්රජාව දැනුවත් කිරීමේ පාගමනක් 2010 ජුනි මස 07 වන දින ආචාරිණී එස්.එම්. වැයිහේන ගුරු මහත්මියගේ ප්රධානත්වයෙන්පැවැත්විණි. මේ සඳහා 6 සහ 11 ශ්රේණිවල දරු දැරියන් සහභාගී විය.
ආධාර ලබාදීම
ගංවතුරින් අනාථ වූ සිසුදරු දැරියන්ට හා ප්රදේශවාසීන්ට ආධාර ලබාදීම 2010.06.02 දින ගාලූ දිස්ත්රික් පාර්ලිමේන්තු මන්ත්රී මොහාන් පී ද සිල්වා මැතිඳුන්ගේ ප්රධානත්වයෙන් විද්යාලයීය ප්රධාන ශාලවේදී සිදු කෙරිනි. සාමවිනිසුරු උපාලි සිරිවර්ධන මැතිතුමාගේ අනුග්රහය යටතේ ප්රදේශයේ ප්රභූවරයෙකු විසින් ආධාර පරිත්යාග කරන ලදී.
වෙසක් ධර්මදේශනය
වෙසක් උත්සවය නිමිත්තෙන් ධර්ම දේශනයක් 2010.05.26 දින විද්යාලයීය ප්රධාන ශාලාවේදී පැවැත්විණි. කහව සිරිසුමනාරාමයේ ස්වාමීන් වහන්සේ විසින් ධර්මදේශනය පවත්වන ලදී
විජයබා බක්මහ උළෙල - 2010
2010 සිංහල හා හින්දු අලුත් අවුරුද්ද නිමිත්තෙන් සංවිධානය කර ඇති බක්මහ උළෙල 2010.04.05 දින විද්යාලයීය ක්රීඩාංගනයේදී පැවැත්වේ. එදිනට සිසුන් සඳහා තරග රාශියක් ඇති බව ප්රධාන සංවිධායක එන්.ඩබ්. අනුෂා මහත්මිය පැවසීය.
රිය නියාමකයින් පුහුණු කිරීම
මාර්ග අනතුරු පිළිබඳ දැනුවත් කිරීමේ වැඩසටහනක් 2010.03.30දින විද්යාලයේදී පැවැත්වුණි.ගරු විදුහල්පතිතුමාගේ ආරාධනයෙන් පැමිණි මීටියාගොඩ පොලිස් ස්ථානයේ රථවාහන අංශයේ ස්ථානාධිපති උපුල් මෙන්ඩිස් මහතා විසින් සිසුන් දැනුවත් කරන ලදී. එමෙන්ම පාසල් ළමුන්ගේ ආරක්ෂාව සඳහා රිය නියාමකයින් පුහුණු කිරීමද මෙම අවස්ථාවේදී සිදුවිය. රිය නියාමක ඇඳුම් කට්ටල 4ක් මෙහිදී විද්යාලයට ලබාදුනි.
වැඩිහිටියන්ට සැළකීම
7AB ශ්රේණියේ බුද්ධාගම විෂයෙහි ප්රායෝගික ඇගයීමක් ක්රියාත්මක කිරීම සඳහා වැඩිහිටියන්ට සැළකීම නමැති තේමාව යටතේ ක්ෂේත්ර චාරිකාවක් 2010.02.19 දින සංවිධානයවිණි.මේසඳහා විෂයය භාර ආචාර්යතුමියගේ ප්රධානත්වයෙන් අලුත්වල පිහිටි අමරසීල වැඩිහිටි නිවාසය වෙත ගොස් තේ පැන් සංග්රහයක් පවත්වන ලදී. වැඩිහිටියන් පිනවීම සඳහා සිසුන් විසින් විවිධ අංග ඉදිරිපත් කරන ලදී.
2600 සම්බුද්ධත්ව ජයන්තිය - පිණ්ඩපාත චාරිකා
2600 සම්බුද්ධත්ව ජයන්තිය වෙනුවෙන් පිණ්ඩපාත චාරිකා දානමය පිංකමක්2010.03.17 දින විද්යාලයේදී පැවත්විණි. විද්යාලයීය විදුහල්පතිතුමා ඇතුලු අධ්යයන අනධ්යයන කාර්ය මණ්ඩලය විසින් දන් පිළිගැන්වූ අතර සිසු දරු දැරියන් විසින් පිරිකර පූජා කරන ලදී.
උපාසක දානමය පිංකම 2010.2.28
උපාසක දානමය පිංකම 12 ශ්රේණියේ සිසුන්ගේ ප්රදානත්වයෙන් 2010.02.28 දින විද්යාලයීය ගෘහ විද්යාගාරයේදී සිදුරෙිණි.මෙය බෞද්ධ ශිෂ්ටාචාරය විෂය සඳහා ඇගයීමක් ලෙස පැවැත්වූ බව විෂයභාර ආචාර්ය ප්රීයන්ති ධර්මලතා මහත්මිය පැවසීය.
ලෝක ළමා දිනය 2009
ලෝක ළමා දිනය නිමිත්තෙන් සිසු දරුවන් හට තිළිණ ප්රදානය 2009 ඔක්තෝබර් 01 දින විද්යාලයේදී පැවැත්විණි මේ සදහා හික්කඩුව සීනිගම ලක්ලෝ පේනට් අධිපති ජී ස්ටැන්ලි ජයසිංහ මැතිතුමා පූර්ණ අනුග්රහය දැක්වීය
